早前Menclub post過最唔受日本囡囡歡迎的男友職業，估唔到醫生機師呢啲威到核爆的職業，囡囡們竟然唔歡喜！於是又有調查，研究日本囡囡究竟想男朋友做咩職業，喂，快啲望吓有冇你份，有嘅話分分鐘真係會易啲溝日本妹喎！

9.和尚
冇錯！你冇睇錯！係和尚！喺日本，和尚係個安定職業，而且可以結婚生子。喺呢個調查中，女孩子表示，「寺廟住持」係好好的對象，因為佢哋都算係成功人士。

8.園藝設計師
日本人願意花好多時間欣賞大自然的美麗，而能夠創造美麗園藝的設計師，自然受到尊重與歡迎。

7.藝術經紀人
具有欣賞高雅藝術的能力，又有足夠而且穩定的經濟來源，對日本女孩而言，簡直係荀盤。

6.記者
喺香港，記者對女生而言，絕對唔係受歡迎的男友職業，但但投票的女生們就講得好明白，佢哋就係要「聰明又有智慧的記者」。

5.企業家
成功的企業家，受歡迎都是理所當然的吧。

4.建築工人
日本天然資源唔多，只能從外國進口後，再由工匠加工，成為精緻的工藝品，然後外銷國外賺錢。所以日本做工匠，係非常了不起，可以話係撐起日本經濟的重要支柱。

3.飛行員
Cool魔喎！人中之龍喎！咁有型，係人都鍾意啦！

2.海岸巡防隊隊員
大家應該都係因為《海猿》的關係，覺得啲角色好有型，先希望男朋友做吧？

1.壽司大廚
做壽司大廚一定要認真積極、誠摯用心、一絲不苟，同時呢啲都係女人眼中好男人必備的條件。

喂！有啲職業明明之前都話係不受女孩子歡迎，而家又變咗嘅？點搞先？Um...well...只能說，大概女孩子都是善變的吧？蝦蝦！