日本唔少寫真女星，於轉戰寫真界之前都有於偶像界活躍嘅經歷。而今晚要同大家介紹嘅呢位「猪子れいあ」亦唔例外，而且現年19歲嘅佢，竟然已經出咗道8年，但就直到加入寫真界先廣為人識。

2003年11月出生於北海道札幌嘅「猪子れいあ」，早於2015年，即係佢11、12歲時就已經加入avex旗下嘅偶像團體「IDOL Street」，但逗留僅僅兩年後就因為團體中止而離開。轉個頭就去參加朝日電視舉行嘅大型選秀節目《Last Idol》，並成功加入節目衍生團體。如是者又做咗幾年偶像，到2020年中就宣佈畢業，之後拍過ABEMA製作嘅戀愛真人騷《今日、好きになりました。-金木犀編-》，並於同年年尾轉戰寫真界。

如果你去睇佢個IG，就會發現佢平時Post嘅都係充滿時尚感、非常密實嘅日常照居多。但佢嘅寫真照就走截祭不同嘅風格，會著泳衣出鏡就唔在講，更令人眼前一亮嘅係其實佢個笑容非常可愛，難怪佢單單喺2021年，就已經為不同雜誌拍過近20次寫真啦。唔知大家就覺得佢點呢？

IG：inoko_reia