憑出演《暴太郎戰隊Don Brothers》反派走紅嘅混血女星「宮崎あみさ」，最近趁住劇集完結推出首本個人寫真集，挑戰個人生涯最大露出度。

今年20歲嘅宮崎あみさ爸爸係日本人，媽媽係緬甸人，由於父母工作關係，佢細個經常往返日緬兩地，所以識得緬甸語同日語。直至2019年喺Cosplay餐廳打工時被同事推薦加入偶像女團「LoveLink」出道，可惜好景不常，該團一年後就解散，而佢就轉到同公司旗下另一隊女團「Mystear」，並於同年參加《週刊Young Jump》全國女子高中生制服收藏選美活動「制コレ’20」寫真出道，以偶像以水著女星身份雙線發展。不過講到真正走紅，就係去年於特攝劇《暴太郎戰隊Don Brothers》飾演反派幹部索諾妮，可愛得嚟又帶點邪氣嘅形象成功收獲大量Fans，同時得到多間雜誌社邀請拍攝封面。

隨住《暴太郎戰隊Don Brothers》喺今年2月正式完結，早前宮崎あみさ就順勢推出首本個人寫真集《1920》，大曬149cm玲瓏浮凸嬌小身材，記錄19至20歲作為演員嘅一年。除咗寫真事業，佢希望日後能夠出演青春校園劇，祝佢成功啦！