過往唔少兩性心理學理論都指出，男性其實能夠單憑肉眼分辨一個女性嘅生育能力高低，並下意識地將生育能力高嘅女性視為「吸引」、「性感」嘅對象。本來我對呢啲理論都只係將信將疑，直到近日我睇到「奥山かずさ」嘅寫真，然後發現佢早兩個禮拜真係結咗婚仲大埋肚，我就開始懷疑我係有呢個超能力……

其實早兩年我哋都介紹過奥山かずさ架啦！現年29歲嘅佢，喺20歲時加入仙台市嘅經理人公司開始藝能活動，2014年時參加《週刊Young Jump》舉行嘅選秀比賽「Girlcon 2014」成為準優勝，進入寫真界發展；2016年再參加著名經理人公司「Oscar Project」嘅選秀比賽再次獲得準優勝而「上京」。多年黎一直於寫真、戲劇雙線發展。

身高164cm嘅「奥山かずさ」，出道初期時有住一頭超長秀髮，加上頗為有肉嘅豐滿身材，已經非常「GF-able」。但早兩年佢開始將頭髮越剪越短，身材亦越見成熟有肉，到今年年初嘅寫真，就已經令人聯想到「成熟」二字。結果佢於2月14日就宣佈會同朝日電視台嘅新聞報導員、年輕佢4歲嘅武隈光希結婚，仲宣佈「會迎來新生命」，莫非生育能力呢家嘢真係有樣睇？

IG：kazusa_okuyama_official