雖然話日本寫真文化非常蓬勃，但其實唔少「寫真女星」嘅本業，都唔係拍攝寫真，而係偶像團體成員、演員、模特兒甚至網紅，拍攝寫真對佢哋黎講只係提升人氣嘅方法。好似今日要介紹嘅呢位「星島沙也加」，佢本職就係一名賽車女郎，所以即使17-18年間佢曾經於寫真界創出成績，都要等5年先見到佢再出寫真DVD。

現年30歲嘅星島沙也加，讀緊大學時就已經成為雜誌《NAGOYA GIRL》嘅專屬模特兒而出道，但如果要講令最多人認識佢嘅工作，就一定係佢於2016年時，為「Evangelion Racing」擔任賽車女郎，並出演「碇真治」一角。由於當時嘅扮相引起話題，所以佢於2017年受邀為《週刊Playboy》拍攝初寫真，同年3月更推出首隻寫真DVD，去到2018年1月時更已經有三隻DVD作品。

不過自此之後，星島沙也加就似乎暫停咗寫真工作。直到今年4月中，佢先推出事隔五年後嘅第四隻寫真DVD。而佢於宣傳作品時亦講到，今次嘅新寫真希望能展現更成熟性感嘅曲線，特別提到當中有一套黑色內衣，係佢覺得相當大膽嘅嘗試。佢亦提到因為感受到Fans們嘅支持，未來會推出更多寫真作品！大家可以期待一下啦！

IG：sayaka_hoshijima