{ SKIP }
文:MenClub 魏文青  
POSTED ON 18 May 2015

文青有一位facebook朋友,本來就係一名嬌的的嘅小女生,但自從一年前愛上做瑜珈之後,唔單止練出一身橫練嘅肌肉,更加鍾意到無論去到邊個國家,都會喺啲著名景點前攤開張瑜珈墊,一頭就棟落去(請怒文青無知,瑜珈動作呢家嘢我識條鐵,名都講唔出)。其他女友人見到就大讚好Fit好有型,仲話男仔一定好鍾意咁話。

計我話,講得出呢句嘢,證明佢根本唔明男人諗咩。好簡單,睇下呢位戰鬥民族女仔Julia Vins就明。



Julia Vins今年十九歲,身高165公分,體重65公斤,反觀香港地一個差唔多高嘅女仔,減到50kg都會嫌自己肥,Julia其實好「墜手」。但事出必有因嘅……


因為人家嘅唔係脂肪,而係一堆堆想撲出黎咬人嘅肌肉!

根據Julia接受訪問時所講,佢係兩年前先開始健身,依家已經可以硬舉起180kg重物,幾乎係兩個半文青咁重。而其實佢由細到大都係走「文藝班長風」,即係成績好、識音樂、學畫畫同好柔弱,但佢就覺得呢啲唔係佢自己想做嘅嘢。於是,覺得好迷失嘅佢喺15歲時就決定去做運動,希望可以增加自信,最後被教練發現佢有舉重嘅潛質,於是開始接受職業訓練。2014年更加以破世界紀錄成績贏得世界舉重錦標。


近日仲獲邀參加大陸綜藝節目《天天向上》


簡單啲黎講,即係Julia嘅頸以上係天生麗質、以下就係後天栽培!如果根據呢篇嘢一開始提及過嗰位朋友所講,又靚又大隻,仲唔係所有男人夢寐以求?你依家睇完,你自己話舉唔舉得起嘞?


不過就算你啱,都論唔到你。因為人家已經有個29歲、同樣為舉重選手嘅男朋友Sergei啦~

Julia Vins Instagram


唔少人追星嘅最終目標,就係追到可以同偶像有私下交情。不過對於偶像本人而言,一旦打破「偶像」與「Fans」之間嘅界線,好多時都意味住演藝事業嚴重受挫。好似今晚要同大家介紹嘅呢位「石井優希」咁,就曾經因為與Fa ...
girls
【深夜】犯下偶像天條與Fans私交 無阻「石井優希」寫真發展
07 Jul 2025
一個國家嘅文化實力是否強大,有時睇外來者係跟住你個文化走,定係堅持外來文化就可以得知。而如果呢個說法成立的話,今晚要介紹嘅呢位「仙北谷ハンナ」(Hanna)就可能係日本寫真文化強大嘅證據之一。事關呢位人生大 ...
girls
【深夜】史上最高級Body 英日混血「仙北谷ハンナ」
04 Jul 2025