早幾日同大家介紹過由日本賽車女郎踏足寫真界嘅「七瀬なな」，但其實賽車女郎界中又點止一個靚女？好似今晚要為大家介紹嘅呢位擁有十頭身奇蹟身材嘅「八伏紗世」咁，就同樣係來自賽車女郎界！仲有個「三級蕃茄鑑定師」嘅資格添！

現年24歲嘅「八伏紗世」，其實係今年3月先加入日本Super GT嘅「Pacific Racing Team」成為賽車女郎，換言之佢同「七瀬なな」係隊友黎！而除咗賽車女郎之外，「八伏紗世」仲係日本競輪 (即係賽單車) 宣傳組合「競輪Girls」嘅現役成員之一。最近仲登上《FLASH》雜誌拍攝寫真，事業發展可謂相當順暢。難怪佢都話自己嘅目標係今年嘅賽車女神新人王啦。

而要數到佢嘅「長」處，當然就不得不提佢170cm身高。需知道賽車女郎雖然本身就係要高，但「八伏紗世」係於賽車女郎中都算係最高，例如佢隊「Pacfic Racing Team」六個女仔當中最高就係佢，再配上10頭身「奇蹟比例」，如果你係鍾意修長嘅女仔嘅話，佢就應該可以滿足到你啦！

IG：yabusaya0928