{ SKIP }
文:MenClub 魏文青  
POSTED ON 12 Jun 2023

睇靚女係唔少男士嘅嗜好——唔係你都唔會撳入黎啦?——但呢個嗜好好多時都孤獨嘅,就算係多年好兄弟,大家都未必可以盡情分析某輯寫真究竟有幾正,更唔好講要同女仔甚至另一半分享。不過今日要介紹嘅呢位「天野きき」,就唔單止可以同你大談「靚女經」,佢分分鐘仲認真過哂所有男人,因為佢睇寫真,係會抄Notes架!

今年初啱啱18歲嘅「天野きき」,早於13歲時就已經於原宿街頭被星探發掘,隨後就以舞台劇演員身份出道,亦曾加入。不過要數到佢最為人熟識嘅成就,就係分別於2020年參加「Miss ID」、以及2021年參加「Miss Magazine」兩大日本寫真選美比賽,隨即打開其寫真之路,至今已經為不同雜誌拍過近20輯寫真。

而且佢本身亦係一個水著寫真Fans。據佢早前接受訪問時表示,佢唔單止會睇哂市面上所有雜誌寫真以及寫真集,更會於Twitter、IG主動搵更多黎睇。而且佢睇完仲會記低每個寫真女星、每輯寫真嘅吸引之處,例如「呢個笑容得佢先做到」、「呢個上圍係最完美」嘅等等。佢表示自己最鍾意嘅就係清純樣加上圍豐滿嘅女仔,相信同唔少男士都不謀而合!

而當被問到佢心目中擁有最完美胸部嘅人選時,佢就揀咗同佢一齊參加「Miss Magazine 2021」、我哋早排亦介紹過嘅「山岡雅弥」。佢表示「山岡雅弥」嘅上圍係佢當時見過最豐滿嘅,而且因為大家同齡嘅關係,做到好朋友之餘佢仲不停抽「山岡雅弥」水。另外佢亦非常鍾意沢口愛華嘅外貌身材,早前二人於電影合作時,更成功親手感受一下!

佢甚至表示,非常有興趣擔任寫真製作人,為自己鍾意嘅寫真女星拍攝寫真,同時亦提出咗前隊友「金井柚那」、FRUITS ZIPPER成員「櫻井優衣」,以及2022年「Miss Magazine」冠軍得主「瑚々」等多個佢認為非常有潛力嘅新人寫真女星。之餘佢哋有幾靚女啦喎,我哋之後再同大家介紹!

IG:kiki_amano

日本AKB48及其姊妹團近年出現逃亡潮,唔少人都不約而同地離隊。有趣嘅係,唔少人離隊之後嘅第一個大動作,就係放低偶像包袱出性感寫真集。好似今晚要介紹呢位「山下エミリー」,就係又双叒叕一個例子! 舊寫真 ...
girls
【深夜】離團即出性感寫真 前HKT48「山下エミリー」
16 Mar 2025
雖然話日本仍然係香港人最鐘意旅行嘅地方,但相信大家都唔會否認日本文化嘅影響力早已不復以前嘅全盛期你對上一次睇日劇係幾時呀?但今日要介紹呢位新人演員「和内璃乃」,或者就可以吸引大家重投日劇嘅懷抱,唔單係 ...
girls
【深夜】壓倒性的美貌 日本新演員「和内璃乃」進軍水著
14 Mar 2025