地盤、裝修業等體力勞動工作，素來都罕見年輕女性加入，所以只要有樣貌身材唔太差嘅女仔出現，瞬間就會被瘋傳為「地盤女神」。不過今日要介紹嘅呢位「坂元誉梨」，就唔係咁簡單！因為佢唔單止真係會落手落腳搞裝修，更係一個真真正正嘅寫真偶像！

現年28歲嘅「坂元誉梨」，高中一級時就已經被家鄉宮城縣嘅地下偶像組合星探發掘，但當時發展平平，所以後來佢加入咗美容學校，畢業後亦真係去咗東京從事美容業，直到2021先再被發掘進軍寫真界。或者由於出道時已經唔算年輕，所以「坂元誉梨」嘅寫真風格頗為大膽，裸體上陣就不在話下，就算有著泳衣都係又少布又透視又盛。而呢個風格亦的確為佢殺出一條血路，出道至今已經推出六隻寫真DVD，早前更推出首本個人寫真集添！

而如果你有留意，就會發現佢好多相都以「工人」為主題，可能係佢身穿工人服，又或者個背景就係工廠黎。咁係因為佢其實係工業高中嘅建築工程系出身，加入寫真界後佢於一間裝修公司搵咗份兼職，雖然本來係文職，但後來就因為要幫手配搭顏色而親身去到工地，一個禮拜後更親自落場幫手貼牆紙，更學識搬重嘢嘅技巧，所以「工人」就成為佢嘅一大特色，目前傳媒都以「藍領系女子」黎形容佢——我估大家都好想同佢一齊勞動啦！

IG：sakamotoyori