參與偶像團體，可以話係唔少日本女仔嘅成名「Fast Pass」，不過或者係因為團內競爭激烈，年中總有啲成員因為各種原因決定卒業單飛，當中有人成功闖出一番事業，亦有人起起落落停滯不前。好似今晚要介紹嘅呢位「高橋きら」咁，就可能係比較偏向後者嘅一位。

現年22歲嘅「高橋きら」，早於2014年，即係佢13歲時就以「高橋希良」之名加入AKB48嘅衍生團體「バイトAKB (兼職AKB)」，2015年正式加入AKB48，但活動僅兩年就於活動中宣佈卒業，當年先僅僅16歲。

卒業後佢先改名做「高橋希來」，並於兩年內兩次轉換經理人公司，隨後出過寫真DVD、個人寫真集，2022年再改名做目前嘅「高橋きら」而且再轉經理人公司，並加入另一個偶像團體「綺星★フィオレナード」。到今年初又迎來組合改組，與其他姊妹團合併為「輝星★Cosμ'n. 」，重要人氣一直都唔上唔落，近年嘅「代表作」就係於Twitter上傳一張被猩猩「胸襲」嘅相，短暫引起網絡話題。

其實翻睇佢早幾年嘅寫真，佢身材絕對稱得上有前有後頗有睇頭，外貌方面雖然未算驚為天人，但至少亦相當清純順眼，如果佢肯於寫真界繼續努力，或者人氣會比依家更好。不過其實佢今年都只係22歲，依然大把青春，或者大家期望下佢未來嘅發展啦。

IG：kira_takahashi_official