以往大家見到過份地靚嘅女仔，大不了就係話佢「P圖」、「整容」，唔會質疑佢究竟係唔係「人」。但隨著AI時代來臨，如果一個女仔生得太靚，就好可能被人認為係由AI生成嘅「虛擬人物」。好似今晚要同大家介紹嘅呢位「藤咲凪」，就要透過親身出席電視節目，你證明自己真係一個人嚟。

現年23歲嘅「藤咲凪」出生於北海道，但由高中時期就已經用「中森千尋」之名往返東京參加偶像團體活動，2018年起與「小野綠」組成二人組合「最終未來少女」，同年10月上過《週刊Playboy》寫真出道、11月參加過「Miss ID」選美比賽，再加上網絡上一直居高不下嘅人氣，可謂成名已久。

私のことAIだと思ってる人間いておもろい、、、^^ pic.twitter.com/iEXSWo4wwn

— 藤咲凪 (@fujisakinagi) July 20, 2023

但或者就係因為佢嘅五官太過精緻、身材太過瘦小、再加上組合「最終未來少女」嘅科幻設定，搞到明明佢個Twitter有相有片，但都有網民以為佢係有AI生成嘅虛擬人物，仲私訊鬧佢：「你係AI來吧？耳仔嘅形狀同AI嘅特徵一致，你實際上一定係個大叔！呃人好開心咩？」而佢對話截圖發佈到Twitter (呀，依家應該叫X) 後，引起大量網民討論，更有電視節目邀請佢親自出鏡，證實其「真人」身份。整件事搞笑得嚟，又側面印證佢究竟有幾靚女！或者大家以後溝女都可以用呢招？「呀~你睇落都幾似AI架喎！」

IG：fujisakinagi