日本女子偶像團體與水著寫真之間，往往有住密不可分嘅關係。好似組合「#2i2」咁，四名現役成員全部都同時係水著偶像，其中較為出名、能夠獨當一面嘅有「十味」及「天羽希純」，另外兩位成員「森嶋あんり」及「奥ゆい」就經常以組合形式登場。最新一期《週刊Playboy》更一次過搵哂成隊上嚟，拍咗三輯水著寫真！今晚就同大家一次過睇哂！

十味

天羽希純

「#2i2」係日本著名經理人公司「01familia」創立嘅女子偶像團體。四名現役成員之中，以現年24歲、官方定位係「奇跡妹系美少女」嘅「十味」最為出名，嘅佢早於高中時期就因為於「nico nico」上嘅跳舞影片爆紅而出道，2018年就為《週刊Young Jump》拍攝首輯水著寫真，同年贏埋Miss ID嘅準優勝，係目前日本最當紅嘅寫真偶像之一。

而現年26歲、官方定位係「蘿莉巨乳療癒系」嘅「天羽希純」，就係團內年齡最長、資歷最深嘅成員。2013年17歲就以「伊藤みう」之名出道，隨後多年曾多次改名，又參加過「01familiar」旗下嘅多個團體，直到2019年水著出道、2020年成為「#2i2」創團成員之一先穩定落黎。近年黎寫真工作亦越黎越多。

「森嶋あんり」(黑長髮) 及「奥ゆい」(啡短髮)

森嶋あんり

奥ゆい

至於官方定位分別為「透明美肌清純系」以及「男人婆 (オテンバ) 元氣系」嘅「森嶋あんり」及「奥ゆい」兩位成員人氣雖然稍遜，但身材同樣有睇頭。而且經理人公司經常叫兩人共演寫真，一輯相睇哂兩個女仔，互相帶動人氣之餘亦令寫真更有睇頭、更有話題。

四位成員各有特色，同時又各有睇頭，難怪《週刊Playboy》有信心一次過搵哂佢哋，為同一期雜誌拍攝寫真啦！