琴晚同大家介紹嘅「二瓶有加」，就係因為出演日本搞笑藝人兼製作人「佐久間宣行」嘅YouTube節目而爆紅，繼而有拍攝寫真嘅機會。而今晚要同大家介紹嘅呢位「高梨結」，原來都同「佐久間宣行」有關，因為佢係佐久間於今年初成立嘅女子偶像團體「Rough x Laugh」嘅成員之一，而佢哋嘅目標，就係又做偶像，又做諧星！

現年22歲，出身於日本千葉縣嘅「高梨結」，係由佐久間宣行擔任製作人、今年3月出道嘅新偶像團體「Rough x Laugh」成員。據佢本人接受訪問時提到，其實佢本來係打算大學畢業就去做空姐，但就剛好遇上疫情，自己又一直對偶像有興趣，所以就決定四圍去參加偶像試鏡。結果就成功加入「Rough x Laugh」出道。

而喺最終結果公佈時，「高梨結」就當眾表示自己嘅個樣就係最大弱點，訪問中佢亦有提到，其實從小就對於自己個樣有啲不滿，自己本身亦冇咩特別技能，能夠通過試鏡出道完全係好彩。但近日佢就成為團體出道後首個拍攝單人寫真嘅成員，從中可見佢雖然棚牙有些少哨，但其實笑起上黎都幾可愛，身材亦頗為均稱，其實無佢講得咁差。唔知各位又點睇呢？

IG：yui_takanashi_7