由台灣創作者Eric Duan製作嘅動畫「山道猴子的一生」，因為準確捕足台灣「騎車跑山年輕人」嘅生活及心態而成為當地熱話，甚至有人要求拍攝成真人版電影或劇集，一眾有揸重型電單車嘅女網紅亦紛紛被列為女主角人選。而我認為如果有日版《山道猴》真人版的話，今晚要介紹嘅呢位「有那」可以話係女主角不二人選！事關佢就係因為騎重型電單車週遊日本而成名，最近更獲邀拍攝寫真添！

話說現年25歲，出身於京都府嘅「有那」非常熱愛騎電單車，於是喺2021年決定揸住佢架Honda X4電單車開始週遊日本，並先於2021年完成6,700公里嘅「縱斷日本」之旅(由最南去到最北)、再於去年完成日本全國47個都道府縣制霸 (全長17,240公里)，目前就進行緊全國溫泉旅程。由於「有那」一直有於社交媒體上分享佢嘅進度，而且佢本人就算素顏都非常可愛、再加上「女仔摌電單車」呢個話題性，好快佢就成為知名網紅，淨係IG上都有6.5萬Followers。

名氣除咗為「有那」帶來廣告收入外，今年初更吸引到經理人公司將其收入囊中，正式開展其演藝事業。而第一步，就係先上《週刊Playboy》拍咗輯水著寫真。唔好睇「有那」平時一係就著電單車防摔衣，一係就普通T恤牛仔褲，原來佢身材亦相當有料，而且或者係因為騎得車多，條腰相當結實，絕對有潛質成為寫真新星！我諗唔少男士都想做佢部Honda X4、被佢騎下！

IG：yuna_x4