年中上映嘅真人版《美人魚》自公開選角之後就引黎唔少人批評，當中主要論調都係「唔介意你改Ariel嘅膚色，但呢個演員真係唔靚呀嘛！」。適逢《美人魚》最近於串流平台上線，日本方面同時冒起一個真人「美人魚」——既然都改得膚色囉，不如搵「黒田楓和」拍個亞洲人版啦？

今日迎來19歲生日嘅「黒田楓和」於2020年9月成為NMB48嘅第七期生，一直到去年7月先升格為正式成員，係目前團內資歷最淺嘅成員之一，但睇黎團體同Fans都對佢寄予厚望。原因之一，就係佢擁有170cm嘅高挑身材，今月初首次為《週刊Playboy》拍攝嘅寫真，更令大家睇清楚佢「應有盡有」嘅好身材，隨即被認定會成為「NMB48下一位寫真女王」！

隨後佢又與團員一齊為「GIRLS PEDIA 2023 SUMMER」拍攝水著寫真，並於日前將幾張喺浴缸拍攝嘅花絮照放上IG，豐滿嘅心口、纖瘦嘅腰肢再加一對白滑大長腿，有Fans就話佢根本就係美人魚喎！我覺得心口唔係用貝殼遮住就差咁啲囉…

IG：_hamchan3