2017年尾，我曾經同大家介紹過一個19歲網紅，因為集男人最愛嘅「清純」與女人最憎嘅「姣 (Bitch)」於一身，所以當時嘅佢雖然未正式進入寫真界，但就已經有數以十萬計Fans。將近6年後嘅今日，呢位網紅已經成為日本著名嘅寫真女星、性感女星，而佢黎緊更會推出首本個人寫真集，佢就係「真島なおみ」！

現年25歲嘅「真島なおみ」自細就有個歌手夢，所以8歲時曾經加入AVEX旗下嘅藝術學校，但最後就冇循此路出道。反而就係18歲左右開始於IG上傳自己嘅性感相，從而獲得爆發性人氣，到2018年先於《週刊Young Jump》寫真出道，同年再登上埋《FLASH》《FRIDAY》、《週列Playboy》等知名雜誌，再打敗「高崎かなみ」及「大貫彩香」等知名寫真女星，贏到《Sanspo》舉行嘅「Sanspo GoGo Queen Audition」總冠軍。

值得一提嘅係，雖然「真島なおみ」外表清純，但其實佢深明要搶鏡就要搞出話題。所以過去曾公開承認自己熱愛睇AV，更特別鍾意NTR及痴漢類作品。最近轉投新經理人公司後，又為自己冠以「令和的愛人」之名，希望加強類似偷情嘅誘惑性。黎緊11月29日佢就會推出自己首本個人寫真集，大家都可以期待下佢入面又會有咩驚人演出啦。

IG：naomi_majima