{ SKIP }
文:MenClub 魏文青  
POSTED ON 15 Nov 2023

年紀較輕嘅你,未必知道條題入面個「峰不二子」究竟係邊個。其實「峰不二子」係本漫畫家加藤一彥創作嘅漫畫《魯邦三世》中嘅女主角,其最大特色,就係擁有超豐滿嘅上圍,以及超性感嘅魅力,除咗令佢成為上世紀七、八十年代嘅動漫女神之外,就算去到近十年佢都不停登上各種最性感女動漫角色之類嘅排行榜,可以話係一個劃時代嘅性感象徵。而今晚要介紹嘅呢位「阿部なつき」,就被日本傳媒稱為「現實中的峰不二子」,咁究竟佢有幾性感呢?

現年24歲嘅「阿部なつき」其實係一名日本網紅、創作者。據知小時候嘅佢非常鍾意睇如《nicola》等少女時尚雜誌,所以長大後樣靚身材正嘅佢亦順理成章地參加女性雜誌《Popteen》嘅模特兒徵選,仲拎埋總冠軍而出道,後來仲參加過依家已經成為一整個系列嘅Abema TV戀愛真人秀《今日、好きになりました。》第一季。可惜活動短短數年之後,佢就因為要去英國讀大學而令演藝工作暫停咗幾年。

當「阿部なつき」再次出現於大眾眼前時,已經係早幾年嘅疫情期間。當時佢同朋友見無嘢好做於是就開始玩TikTok,結果某條片佢著住黑色緊身衫,勾勒出整個上身曲線嘅火速爆紅,除咗令佢被封為「現實版峰不二子」之外,仲再次受到日本演藝界關注。近日仲受邀於《週刊Playboy》獻出首次雜誌水著寫真,大方展現令男女都羨慕嘅超好身材。睇黎佢嘅未來發展絕對值得大家期待!

IG:i.am_natsuki_

依家我哋話人有「主角光環」,大部份時間其實都係貶義,用於現實中嘅人就係話佢自我意識太高、用於虛構作品中就係話主角因為係「主角」所以先有各種奇遇。但其實有時「主角光環」都有正面影響,好似今晚要介紹呢位「 ...
girls
【深夜】以主角光環克服困境 150萬追縱TikToker「主人公」
10 Sep 2025
所有日本寫真女星嘅自我簡介中,都會有一欄叫「特長」,但除非佢本身有咩運動、藝術特長,又或者識啲咩特別技能,如果唔係寫出黎嘅「特長」通常都吸引唔到大家去睇。不過今晚要介紹呢位「小日向ななせ」嘅「特長」就 ...
girls
【深夜】豐滿神Body 「小日向ななせ」最柔軟喺呢個部位?
08 Sep 2025