無可否認，男人大部份時間都係種膚淺嘅動物，只要個女仔夠靚、身材夠好，甚至只係著得夠少布，我哋就好自然會望過去。但其實有時候我哋都會被女仔嘅氣質所吸引。好似今晚要介紹嘅呢位「入来茉里」咁，身為演員嘅佢原本可能唔係好起眼，但近年離婚後吸引力卻不停攀升——點會係因為佢離咗婚之後先去拍寫真，所以先吸引呢？一定係因為佢係個有故事嘅女人！

現年33歲嘅「入来茉里」，早於17歲時就憑參加日本著名經理人公司「Horipro」嘅試鏡比賽而出道，先係參與綜藝節目拍攝，2010年正式成為電影演員，2013年時更憑松本潤主演嘅電視劇《ラッキーセブン（港譯：神七探偵男團）》中嘅「茅野メイ」一角，獲電視雜誌選為最優房女新演員。歷年黎出演過非常多電視劇、電影及舞台演出，演藝發展可謂相當唔錯。

不過佢嘅個人生活就冇咁順利啦。2019時佢宣佈會同認識超過10年、出演過《全裸監督》嘅著名演員「柄本時生」結婚，並於2020年自己30歲當日註冊。不過因為當時疫情所限，所以婚禮被無限期押後。點知到2022年時，就被《週刊文春》爆出二人已經離婚，短短兩年婚姻連酒都未擺就已經完結。

或者係因為經歷過婚姻失敗，所以「入来茉里」一改過去乖乖女嘅風格，開始為各大雜誌拍攝寫真。身材講真就冇咩睇頭架啦，但偏偏有種良家婦人嘅淡然性感。希望於工於私都對佢有幫助啦。

IG：iriki.mari_official