自從AI越趨成熟，大家嘅日常生活或多或少都受到AI影響而有所改變，甚至就連睇女呢啲男士本能都唔例外。好似近日日本網絡就流傳一對「孖妹」嘅美照，因為相中二人太似而且太靚，搞到網民質疑係AI生成嘅「假相」。但其實相中人係現實存在嘅「森ふう花」、「柊きき」兩姊妹，而且兩個人都係偶像成員黎！

兩姊妹都係日本德島縣出身，而且都曾經做過謢士。其中妹妹「柊きき」，其實我哋喺去年都曾經介紹過。2022年8月加入日本女子偶像組合「夜光性アミューズ」嘅佢，曾因為於涉谷街頭派出一萬張傳單而廣為人識，去年1月起更率先踏足寫真界。而姐姐「森ふう花」其實比起妹妹更早出道，2022年6月就加入另一偶像團體「まねきケチャ」，甚至當初就係佢鼓勵個妹去參加女團試鏡。不過姐姐就到去年年中先開始拍寫真。

姐姐「森ふう花」

妹妹「柊きき」

去年年尾時，佢兩姊妹仲先後為《週刊Playboy》及《Weekly SPA!》分別拍攝雙人寫真，黎個夢幻共演！論身材外貌，兩姊姊都真係不相伯仲、難分軒輊！相信男士們見到都會引用「豹頭」嘅名台詞：「我全都要！」

IG：morifuuka0526（姐姐）、kiki_u___（妹妹）