年初五，假又放完，鉉又使哂，工又要返，今年仲要搭正埋情人節，相信喺屋企睇緊我呢篇文嘅你，個樣都真係好頹下——I know that feel bro……不過唔緊要！你知唔知人類最大嘅能力係咩呀？係想像力！所以只要睇咗呢篇文（準確啲黎講係啲圖啦），再加上你個人嘅想像力，你一樣可以同日本國民老婆「吉岡里帆」黎講甜蜜嘅情人節架！

早期嘅「吉岡里帆」不能免俗地拍過唔少寫真，憑甜美面蛋加上纖瘦但又頗有睇頭嘅身材，成為唔少人心目中嘅第一女神。即使後來於娛樂圈站穩陣腳後寫真量大減，但依然無阻一眾男士對佢嘅喜愛。事實自2022年起，隨住上一代女神新垣結衣、石原理美等嫁人，綾瀨遙又年紀漸大，吉岡里帆已經先後兩屆成為ORICON票選「最理想女友」冠軍，可見佢嘅受歡迎程度！

不過時光飛逝，正如大家都由當年嘅「麻甩仔」變成今日不折不扣嘅「麻甩佬」，出道超過十年嘅「吉岡里帆」上月亦迎來31歲生日。當時佢曾於IG發表感言，當中有提到「今年是個有大變化的年份，我很多事要同大家匯報」，並表示初春時就會有進一步消息。你話萬一、如果，佢宣佈結婚嘅話，唔知又有幾多男士要心痛啦。

IG：riho_yoshioka