早前曾經為大家報導過，日本流行文化研究學者指出「AKB48」成員數大跌，似乎處於危急存亡之秋。事實上唔單止AKB48，其他女團亦面臨同樣困境。好似AKB嘅姊妹團NMB48咁，自過去幾年就已經有數十名團員「卒業」，當中更不乏知名成員，例如早於寫真期佔一席之地、今晚要同大家介紹嘅「本郷柚巴」。

現年21歲嘅「本郷柚巴」，早於12歲就加入NMB48，活動多年以黎成績、人氣都唔算特別突出。但去到2021年，終於高中畢業嘅佢為月刊雜誌《BUBKA》獻出「初水著」後，就憑住唔好講偶像界、就連寫真界都少見嘅G Cup身材一炮而紅，寫真工作一個接一個，更曾推出兩本個人寫真集，成為當時NMB48人氣最高嘅成員。

不過，「本郷柚巴」去年6月正式退出NMB48，成為去年九位「卒業」成員之一。好在佢隨即宣佈加盟日本著名經理人公司「Seju」，而「Seju」嘅藝人主要都係寫真偶像，換言之未來「本郷柚巴」有望於寫真界繼續大展拳腳！

IG：h.yuzuha_0112