日本文化同世界絕大部份其他文化都非常不同，其中可能係最奇怪嘅一點，就係佢哋似乎唔太介意小女孩們年紀極輕就出道成為偶像（我都唔提直接做水著偶像嗰啲）。好似今日要介紹呢位「佐々木ほのか」咁，就早於4、5歲，即係讀緊幼稚園時就已經出道，即係話截自目前為止，佢有超過7成嘅人生都係以偶像身份渡過，都真係幾誇張。

出身於日本福岡縣嘅「佐々木ほのか」現年18歲，亦即2006年出世，但翻睇佢嘅資料，佢早於2010年就以「早希ほのか」之名，於福岡當地偶像團體「青SHUN学園」出道，計一計即係頂到盡5歲。而佢於「青SHUN學園」一直留到2016年9月，畢業後兩個月就加入另一偶像團體「Up Up Girls（2）」，並以其成員身份一直活躍至今。換言之佢由2010年出道起到依家，近14年時間一直以偶像成份活動。

不過活動得耐又唔代表一定有人氣。事實上現時「佐々木ほのか」之所以有人識，都係因為去年夏天時佢於《Young Magazine》獻出自己嘅首次水著寫真，憑住活力可愛甜美嘅外貌，加上都算有啲睇頭嘅身材打響名堂。近來佢亦受邀為另一著名少年雜誌《週刊Playboy》拍攝寫真，睇黎就有望於寫真界佔一席之地！

IG：honoka_sasaki_uug2ki