{ SKIP }
文:MenClub 魏文青  
POSTED ON 27 Mar 2024

日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生啦!

目前18歲嘅「矢野ななか」本月中於IG發文,Post出自己嘅高中畢業,並揚言自己接下來要成為「理想中嘅大人」。但其實佢嘅外貌身材方面就一啲都唔「細」架啦!尤其係去年為《Young Magazine》拍攝出道寫真,大家見到佢有前有後之餘,仲有條腹肌纖腰,真係好難仲當佢係細路女。事實上日本傳媒亦稱佢為「レベチJK」,即「等級不一樣的高中生」,可見大家對佢嘅評價有幾高。

最近佢就再次為《Young Magazine》拍攝寫真,而且比較特別地係同雜誌中新連載、由大瀨戶陸創作嘅漫畫《ねずみの初恋》作聯乘,扮演漫畫中嘅少女殺手主角「ねずみ(老鼠)」,所以先會有張相係拎住把刀。《ねずみの初恋》故事講述由黑幫養大、成為殺手嘅「ねずみ」,某日執行任務時遇上少年「碧」,結果於「碧」大膽表白下二人成為情侶再同居,但結果就令「碧」被黑幫盯上陷入絕境。大瀨戶陸筆下嘅兩位主角都係軟萌風格,但劇情本身充滿大人世界嘅黑暗與暴力,兩者反差之下令讀者都為呢對小情侶心痛。目前雖然只係連載咗兩話,但似乎有潛力成為下一部大熱漫畫。

IG:y_nana1014

大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025