{ SKIP }
文:MenClub 魏文青  
POSTED ON 01 Apr 2024

既然「深夜系列」撞上愚人節,我承認我本身係打算搵個靚女偽娘黎整蠱下大家。不過一來我係個好人(一定係),二來我搵唔到個靚到值得介紹嘅偽娘,所以我唯有退而求其次,搵咗個今日生日嘅靚女「もも」黎介紹,順手同大家介紹下,咩叫「滑稽歌舞雜劇(バーレスク,Burlesque)」。

其實前年我就已經為大家介紹過呢位現年23歲,來自香取縣嘅「もも」,如果大家想重溫佢啲靚相,以及出道經過,不妨去回顧一下。

不過當時因為篇幅所限,就只係簡單稱佢為「舞者」。但準確啲黎講,佢跳舞嘅地方「バーレスク東京」,其實係一個「滑稽歌舞雜劇(Burlesque)」嘅表演場地。Burlesque本來係指沿自維多利亞時期嘅一種諷刺、戲謔歌舞劇。去到19世紀中葉時,於美國開始演變成一種集低俗喜劇、女性脫衣舞嘅表演,之後再於二戰前後傳入日本。

早期嘅日本Burlesque依然保留裸體表演,但後來能更直接地滿足慾望嘅陪酒孃、夜店興起,日本Burlesque劇場亦日漸沒落。直到2011年「バーレスク東京」開幕,利用性感但不裸露,以及引入偶像歌曲嘅表演方式,令日本Burlesque重生。加上「バーレスク東京」嘅舞者,大多出身自、或兼任寫真女星,兩者相輔相乘之下終於站穩陣腳,成為目前日本較為「異色」嘅夜生活之一。

IG:momo_burlesque

日本寫真界有好多靚女無錯,但大部份都係有某一兩個位置可能係個樣啦、身高呀、上圍呀、腹肌呀、美臀美腿諸如此類特別搶眼,媒體亦大多會針對呢啲特色黎造文章。不過今晚要介紹呢位「本多もか」就唔同講法,縱觀日本 ...
girls
【深夜】由頭靚到落腳 完美外表「本多もか」
13 Oct 2025
各大廠商搵代言人,通常都係想營造一個「你用咗我嘅產品就會變成佢」嘅氣氛,亦即用明星嘅人氣帶動銷量;但對於安全套黎講,情況就好可能相反我無見過人因為明星代言而用某個牌子嘅安全套,反而有明星因為做咗安全套 ...
girls
【深夜】有前有後「安全」女神 透明感色氣「鈴木聖」
10 Oct 2025