一個寫真女星要快速被人記住，最重要嘅唔係咩身材外貌、出位舉動，而係佢首先要有個名，唔係點記啫？不過今晚要介紹呢位寫真新人「鈴原すず」，一出道時就真係一位「無名之輩」——唔係「冇名氣」，係真係連名都冇——因為佢經理人公司決定用「公開募集藝名」黎炒作人氣，結果呢，又真係造就到近年起點最高嘅寫真新人！

卻說早於去年1月時，現年18歲嘅現役高中生「鈴原すず」就已經出現於日本著名藝人經理公司「Horipro」嘅官方IG之中，佢自己亦開咗個叫「名前調整中」嘅IG。不過當時Horipro並冇公佈佢叫咩名，只係於帖文中寫上佢嘅個人資料，以及「#名前調整中、#名前最終調整中、#名前募集中」等多個標記，希望網民幫佢諗個藝名。同一時間，佢就以「無名神秘新人」嘅狀態登上《週刊Playboy》，憑可愛面蛋及不俗身材成功吸引讀者，結果係未有名嘅情況下，就已經成為眾所週知嘅超級新人。

隨住佢於去年1月30日正式公佈藝名為「鈴原すず」，就立即展開頻繁寫真工作。由去年出道到今年一月，淨係計由雜誌推出、要另外付費嘅電子寫真都己經出咗12套，去年10月再推出埋首本個人寫真，產量之高令人咋舌。

「鈴原すず」曾於雜誌訪問中透露，佢非常鍾意睇足球，係日本FC東京以及西班牙巴塞羅那嘅球迷，佢本人甚至擁有日本足總嘅4級裁判證，可以為地區比賽執法。佢又鍾意睇波，你又鍾意睇波，呢啲咪叫天生一對囉！

IG：suzu_suzuhara.official