{ SKIP }
文:MenClub 魏文青  
POSTED ON 31 Jul 2024

今晚要同大家介紹嘅呢位「貝賀 琴莉」,曾經於2017年時被選為日本「最可愛高一生」。數數手指你都知道係2017年係7年之前嘅事,依家嘅佢分分鐘大學都畢埋業,大個女就當然要拍拖,而佢就話自己嘅理想約會係「開車」,各位老司機係咪即刻想插……條車匙開車呢?

現年23歲嘅「貝賀 琴莉」,其實係日本女子偶像團體「#よーよーよー」嘅成員之一,同隊仲有我哋之前都介紹過嘅「由良ゆら」。作為團體中嘅大家姐(2002年1月出世),「貝賀琴莉」於加入前曾經參加過唔少選美比賽,除咗上面提到嘅「最可愛高一生」之外,仲有同年舉行、同樣以學生為主題嘅「制コレ」。但比起隊友,佢於寫真界嘅發展就相對地慢,例如去年先被《週刊Playboy》選為57名「寫真偶像新世代」之一,可見佢嘅寫真事業都仲啱啱起步。

有趣嘅係,佢拍過嘅寫真都同佢嘅現實生活有緊密連結。例如佢曾於高中最後一個考試考到全班第一,所以佢今年2月時就曾經為《週刊Young Animal》指攝一輯以「優等生」為主題嘅校服寫真;又因為佢曾經於便利店打過工,所以其中一個拍攝場地就係便利店(我極度懷疑大家於其他「作品」見過呢個景)。近日佢為寫真雜誌《SUNNY GIRL》拍攝寫真,就以佢嘅「理想約會」為主題,於是人哋就帶咗佢去「開車」——真係去遊車河嗰種開車。唔知大家佢下次寫真又會揭露自己生活嘅邊個方面呢?

IG:0112kako

有時「幸福」呢家嘢,真係靠對比出黎。所以如果你覺得自己嘅人生好悲慘嘅話,睇下今晚呢位日本Cosplayer嘅悲慘故事,或者會令你好過啲;如果你本身就屬於幸福嘅一群,咁睇到個靚女心情都一定更好啦係咪? ...
girls
【深夜】超悲慘人生 Cosplayer「ミンミコ」從《DQ》中獲得力量
12 Sep 2025
依家我哋話人有「主角光環」,大部份時間其實都係貶義,用於現實中嘅人就係話佢自我意識太高、用於虛構作品中就係話主角因為係「主角」所以先有各種奇遇。但其實有時「主角光環」都有正面影響,好似今晚要介紹呢位「 ...
girls
【深夜】以主角光環克服困境 150萬追縱TikToker「主人公」
10 Sep 2025