{ SKIP }
文:MenClub 魏文青  
POSTED ON 23 Aug 2024

日本人鍾意混血模特兒並唔係咩新聞,甚至唔需要真係血統上係混血兒,只要個樣生得有啲外國人感覺、整體黎講又夠靚女就已經足夠於日本業界立足。而今晚要介紹呢位「Jona(ジョナ)」,就係最新於日本冒起嘅混血兒美女啦。

現年24歲嘅「Jona」本名「Jonadel」成長於大阪,最早係讀緊高中時,與日本關西網上攝影雜誌《関西写真部SHARE》合作拍攝而出名,後來就正式出道成為模特兒,曾經做過日本著名時裝雜誌《ViVi》嘅ViVi Girl。不過相信大部份人應該都係睇完由Abema TV製作嘅戀愛綜藝《Shuffle Island シャッフルアイランド》第四季先認識佢。由於節目以熱帶小島為背景、畫面充滿陽光海灘比堅尼,所以「Jona」於節目中大秀火辣身材,圈粉無數,最後紅出節目,早前仲為《週刊Young Jump》拍咗首次雜誌寫真添!

有趣嘅係,據網民整理,Jona嘅雙親分別來自菲律賓及西班牙,似乎就冇直接嘅日本血統。但由於自細於大阪長大,所以於日本活動毫無阻礙。對一心養眼嘅大家黎講,相信亦唔會係問題?

IG:0704jonadel

科技為人類改善生活之餘,通常都會帶來一啲需要時間適應嘅新麻煩。例如AI圖像生成咁,唔少人拎黎整J圖、甚至偷拍圖後,有人認為咁算係一個較為無害嘅渲洩手法,至少唔會真係女仔因而受害;但如果你對「係咪真人」有 ...
girls
【深夜】AI定係真人? 日本IG謎之美少女「ゆあ」
04 Jun 2025
正所謂鹹魚白菜各有所好,喺欣賞美女呢方面,每個人都會有唔同嘅口味,好難有一個靚嘅絕對標準。但今晚要為大家介紹嘅「齋藤恭代」,由出道至今就獲得日本媒體以至網民一致追捧,甚至被冠上「完美Body」、「最高女神 ...
girls
【深夜】九頭身雕像女神 完美Body「斎藤恭代」
02 Jun 2025