AKB48曾經捧出無數當紅女偶像，但大部份人卒業離團之後嘅事業發展，都唔可以話係順風順水。而小嶋陽菜就好可能係所有AKB48前成員中發展得最好嘅一位。先唔提佢成立嘅服裝品牌早前被收購令佢豬籠入水，淨係講佢黎緊推出嘅寫真集依然引起話題，就知佢人氣依然強勁呀！

新寫真預覽圖

新寫真花絮

現年36歲嘅「小嶋陽菜」，係AKB48於2005年創團時嘅首批成員之一，之後人氣隨團隊步步攀升，佢亦成為人氣高企嘅「神7」其中一員，並一直活躍到2017年卒業。除咗唱歌跳舞之外，小嶋陽菜最為人（OK，男人啦）津津樂道嘅就係佢嘅超好身材，當年被封「AKB第一美胸」，甚至「日本第一美胸」，除咗每次為雜誌拍攝寫真都帶來話題及好銷量外，佢推出嘅個人寫真集亦多次登上銷售榜售。更難得嘅佢樣靚身材正之餘又唔受女性妒忌，所以除男粉之外仲有一眾女粉支持，演藝發展堪稱完美。

退團後嘅小嶋陽菜減少幕前演出，專心經營佢嘅時裝品牌。近日日本服裝公司「Yutori」更作價17億Yen，即約HKD$8,700萬收購佢嘅「Her lip to」品牌，荷包大有進帳。另一邊廂，佢亦宣佈自2015年3月推出《どうする？》之後，事隔近10年推出新寫真集《かもしれない》，消息一出同樣引起Fans哄動。今日就用佢公佈嘅寫真預覽圖，以及近年其他寫真同大家再次欣賞佢嘅美貌啦。

IG：nyanchan22