正所謂「牙痛慘過大病」，每次遇上牙齒問題時唔理佢佢又痛，想去睇牙醫就又驚又肉痛，真係諗起都覺得煩。咁你話有冇方法解決呢個兩難呢？有！就係好好欣賞今晚要介紹呢位日本Cosplayer「近衛りこ」！

點解睇「近衛りこ」能夠舒緩牙齒問題呢？首先就當然因為佢係一個靚女，而睇靚女就自然心情好！自2011年就於X（Twitter）上活躍嘅「近衛りこ」其實係日本知名Cosplayer，而且係以大尺度Cosplay而聞名。雖然上身冇咩睇頭，但「近衛りこ」特別鍾意露出自己嘅豐滿臀部以及腿部線條，鍾情美臀或美腳嘅大家，去到佢個X或IG時一定睇到樂而忘返。唔好講牙痛，連自己姓咩你都未必記得呀！

另一個原因，就係「近衛りこ」其實係一個有牌嘅「牙齒衛生員」，即係喺牙醫診所教大家刷牙、點養日常維護牙齒健康嘅護士，甚至佢嘅個人介紹都寫明自己嘅特長就係「刷牙（歯磨）」。而且佢唔單止有牌咁簡單，佢仲真係一個現役牙齒衛生員，目前於以「女僕Cafe」方法經營嘅日本秋業原「萌系」牙醫診所「アキバ歯科」工作。就算你遇唔到佢，「アキバ歯科」依然有大量打扮可愛嘅牙齒衛生員坐陣，係咪大大減低大家對牙醫嘅恐懼呢？睇牙之餘仲有靚女睇，係咪又覺得冇咁肉痛呢？

IG：ko_no_e