{ SKIP }
文:MenClub 魏文青  
POSTED ON 20 Jan 2025

喺日本,各式各樣嘅偶像團體多,而想做偶像嘅女仔更多。所以對於有個偶像夢嘅女仔黎講,成功入團係一回事,出道後團體能唔能夠於競爭激烈嘅市場繼續營運又係另一回事。於是你會見到唔少女仔都會於短短幾年時間,因為各種不同原因而不停「轉會」,當中有轉轉下就唔知轉咗去邊,亦有轉出一個成名機會來。好似今晚要介紹呢位「鎌房祐衣」就係其中之一啦。

現年23歲,出身於日本奈良嘅「鎌房祐衣」,最早於2019年8月就已經加入一隊名為「Cotton town」嘅組合出道,但於短短半年後嘅3月,佢就宣佈離團——整個團體於同年7月正式停止活動,所以某程度上「鎌房祐衣」係跳船跳得合時。可惜嘅係,往後幾年「鎌房祐衣」嘅事業發展都唔太順利,2020年8月改名「釜矢桜妃」後成為「EXCESS」嘅創團成員,但團體同樣只活動一年就玩完;然後佢無縫接軌加入另一女團「邂逅のアルカリウム」,點知一年後又同樣成團摺埋。換言之於短短三年內佢就換咗三個團體,而且每團都係停運收場。

好在佢於2023年8月加入「透色ドロップ」之後,演藝事業終於迎來轉機。事關成立於2020年嘅「透色ドロップ」不單止能夠持續營運,仲有能力將「鎌房祐衣」推上《週刊Young Jump》拍攝水著寫真。而雖然「鎌房祐衣」身高僅得148.9cm超級嬌小,但勝在腰短腿長,身材比例優秀而且胸前有肉,所以寫真推出後令佢人氣有所上升。希望未來佢嘅事業都會繼續順風順水啦!

IG:yui___sukiiro

近排天寒地凍,大家應該都需要啲新刺激黎行氣活血,而今晚要介紹嘅呢位寫真新人「宮嶋くるみ」,就應該能夠達到呢個「療效」。但你又唔好以為佢係以火辣身材行先咁表面喎,真正令人感到暖意嘅,其實係佢令你由個心到 ...
girls
【深夜】暖入你體內 「口技」出色超甜美「宮嶋くるみ」
10 Feb 2025
喺呢個大致上都係「瘦=靚」社會,唔少女星喺做重要訪問呀、出寫真之前都要特登節食減肥,希望以「最佳狀態」示人。但呢個世界上亦有啲人唔單止好可惡地食極唔肥,甚至仲要刻意食多啲黎增肉先至靚。而今日要介紹嘅呢 ...
girls
【深夜】AKB48退團後首次寫真 「大西桃香」為靚增肉
07 Feb 2025