日本女星、偶像成員出寫真集並唔係咩新鮮事，但大部份女星出寫真集都比較似係送畀Fans嘅禮物——你話賺多筆都得嘅，反正就係錦上添花之舉。但今晚要介紹呢位「牧野真莉愛」，自2014年正式出道十年以來，竟然出咗十本寫真，平均一年就有一本。點解佢可以出咁多本？因為佢正囉！

現年24歲嘅「牧野真莉愛」自10歲起就參加「Morning娘」嘅徵選，但先後次參加都落選，直到2012年先通過同公司旗下嘅Hello! Project徵選成為研修生，兩年後先正式成為「Morning娘」一員，2016年晉身團內Centre位置。亦係喺呢一年，15歲嘅佢推出首本個人寫真集《Maria》，然後就以一年一本，有時甚至一年兩本嘅速度不停出寫真集。

而佢之所以能夠做到寫真集長出長有而且長賣嘅關鍵，就係在於佢擁有「壓倒性嘅美貌」以及比例超好嘅身材。身高達165cm嘅佢上圍唔算好有睇頭，但就勝在有纖瘦而修長嘅曼妙身體，一對白滑長腿更係令唔少人百看不厭。而除咗寫真集之外佢亦係日本各大青少年雜誌嘅寫真常客，所以如果大家鍾意嘅話，佢係有海量嘅寫真畀大家慢慢欣賞㗎！

IG：maria_makino.official