如果你有返啲年紀，或者會聽過人用「（前或後）騎樓」黎形容女性身材，簡單黎講就即係形容女性嘅重點部位大到如騎樓一樣凸出身體。但你唔知嘅係，原來日本都有類似嘅形容詞「雨宿りしたい」（想在那裏避雨），而今晚要介紹嘅呢位「未梨一花」，其上圍——準確黎講，係「下乳」——就曾被雜誌評為「雨宿りしたい」界別嘅「東橫綱」，足以為你遮風擋雨。

現年26歲嘅「未梨一花」出身於日本千葉縣，20歲未夠就於街頭被星探發掘，再於經理人公司安排下於2019年正式出道成為寫真女星。受惠於佢高達92cm（約36吋）嘅I Cup上圍，以及相當激烈嘅拍攝尺度，出道後人氣火速攀升，出道當年就於產經體育主辦嘅「第二回Sansoi GoGo 女王」中獲獎。2020年更可以話係橫掃各大寫真選美及獎項；2021年除咗自行宣佈身材再進一步去到100cm（約39吋）12月各獲得「Gravure of The Year 2021」嘅「最佳魅力賞」，人氣一時無兩。

可惜嘅係，自2022年起「未梨一花」嘅寫真事業就因為經理人公司而受限。2022年6月時佢宣佈離開捧佢出道嘅經理人公司，同年12月加入新公司就以「公司發展方針」為由宣佈暫停寫真事業，一直到2024年初先慢慢回歸，但已經絕跡於大型雜誌寫真。

好在佢於去年12月時宣佈再離開經理人公司，成為自由身藝人，未來嘅工作應該唔會再受限。而睇佢IG上面嘅相，無論身材外貌都無跌Watt，相信未來寫真界仍有其一席之地！

IG：ichika_miri