當「白雪公主」都唔再「白」，依家於西方國家擁有淺膚色似乎係一件唔好嘅事。而喺香港、日本等地，皮膚白滑依然係唔少女性——甚至男性追求嘅目標，而今晚要介紹嘅呢位「椎名糸」就係我近來見過最白滑嘅寫真女星。而配上佢白滑皮膚嘅，更係佢大家閨秀一樣嘅出身。

現年23歲嘅「椎名糸」出身於東京都，屬於日本經理人公司「BOND!! Inc.」旗下、即著名寫真女星「奈月セナ」嘅佢，早於2021年就開始以舞台劇演員身份出道，後來更踏足劇集及電影拍攝。2023年時佢加入埋日本偶像女團「Reverse Tokyo」實行歌影視三棲，去年更踏足寫真界，參加日本《週刊Champion》嘅Miss Champion選美仲奪冠而歸。出道短短幾年就已經於各個演藝界別造出成績。

特別值得一提嘅係，「椎名糸」唔單止有大家閨秀氣質，事實上佢出身似乎亦相當唔錯。唔單止細個有跳芭蕾舞同玩花式溜冰，甚至仲有花道資格證。除此之外佢出道前更係讀緊日本名門「聖心女子大学」心理學系，睇黎家境唔錯。

IG：itonoofficial