日本寫真界人才輩出、競爭激烈，久唔久就會飛出幾粒被冠以「超新星」銜頭嘅新人，但究竟當中有幾多真係能站穩陣腳，又有幾多係一閃即逝？好似今晚要介紹嘅呢位「南あみ」咁，就同樣有「超新星」稱號，而各位又睇唔睇好佢嘅星途呢？

根據其經理人公司官網嘅介紹，並無公開年齡嘅「南あみ」出生於東京。而根據日本網民考究，「南あみ」寫真出道之前嘅經歷目前充滿未知，淨係知道佢曾以「あみ」之名進行偶像、Cosplay活動，去年2月推出首本電子寫真，之後就吸引到依家嘅經理人公司青睞，隨即就開始全面進軍寫真界。

雖然「超新星」呢個朵，更有可能係經理人公司嘅宣傳包裝，但「南あみ」出道一年就已經上過《週刊少年Champion》、《月刊Entame》、《週刊Young Jump》等著名雜誌，亦證明佢的確有過人之處。

「南あみ」嘅主要賣點有兩個，第一就係佢非常可愛、令人睇唔出佢真實年齡嘅短髮童顏美貌；其次就係高達167cm嘅修長身段，以及一對又長又直又滑嘅美眼，成就出「童韻高身長」呢個充滿矛盾美嘅組合。換個角度睇，顏控嘅就望佢個頭、腿控嘅就望佢個身，似乎都算係百貨應百客？

IG：amichan0907