如果話香港電視台嘅選秀節目係近年演藝界新人入行嘅踏腳石，咁日本嘅戀愛真人綜藝就基本上有同一個功能。近年有非常多新人，特別係女新人都係因為參演戀愛綜藝後人氣暴漲，繼而自往其他方面發展。好似今晚要介紹呢位「田中碧空」，就係最新嘅一員啦。

2005年出生嘅「田中碧空」早於高中時期就已經簽約經理人公司，並以模特兒身份開始活動。2024年時佢參加ABEMA TV嘅著名戀愛綜藝《今日、好きになりました》嘅「卒業編2024 in 布吉」而一舉成名；同年再參加由講談社主辦嘅寫真選美比賽「Miss Magazine」水著出道，並進入最終16強，令其人氣再進一步。

論身材，「田中碧空」就唔算非常突出，不過下巴有粒銷魂癦嘅佢有一副清純可愛嘅臉蛋，睇落非常「Girlfriend-able」，應該都會迷倒唔少少男。另一邊廂，佢接受訪問時提到將來嘅目標係做早晨劇嘅演員，換言之寫真對佢黎講可能都只係另一塊踏腳石，未來未必會繼續拍。大家有得睇就好睇啦！

IG：miku_tanaka0506