俗語有云：虎父無犬子，但其實呢種兩代之間嘅傳承絕對唔止發生於父子之上，母女都一樣有！好似今晚要介紹呢位「真白雪澄」咁，就因為媽媽都係寫真女星所以決定加入寫真界。而且睇到佢嗰副清新、鬆軟嘅好身材，真係好令人好奇呀伯母究竟係生成點樣樣！

現年21歲嘅「真白雪澄」出生於日本埼玉縣，2024年時先以偶像團體「Reve Rocket」嘅創團成員身份出道，但短短五個月後佢就宣佈退團，然後就走咗去參加由「Tokyo Idol Project」與《週刊Playboy》有份合辦嘅「春の Tokyo Gravure Idol Festival」（春のTGIF），仲贏埋「週プレ賞」正式踏入寫真界。日本媒體仲為稱佢為「Fresh美女」、「Z世代最強鬆軟（ふわふわ）Body」，唔知以為佢哋賣緊柔順劑呀真係！

既然贏咗獎，咁上埋《週刊Playboy》就非常合理啦係咪？正正就係呢個訪問中，佢透露自己媽媽當年都係一個寫真女星，仲出過寫真DVD，所以佢自己對於拍攝水著寫真完全無反感。不過佢就強調唔可以透露媽媽嘅真實身份，所以期待見到母女合演嘅大家可以慳返啖氣，未來專心睇「真白雪澄」點樣女承母業就得啦！

IG：yuzu_mashiro