減肥係唔少女人嘅終生事業，但正如黃子華話齋，如果男人係鍾意啲瘦到碌竹咁嘅人，條街啲燈柱老早就被人偷哂返屋企。而今晚要介紹嘅呢位「水野瞳」就深明呢個道理，所以近來刻意增磅，結果寫真反應真係唔錯，仲被冠以「寫真界超新真星」之名——雖然其實佢唔「新」㗎啦！

現年21歲嘅「水野瞳」係日本女團「Devil ANTHEM.」嘅成員之一。早於2023年佢就已經於《週刊Playboy》獻出寫真處女作，所以我先會話佢其實唔算「新」。不過當時嘅佢係以白嫩皮膚、黑色短髮嘅「無垢」形像，亦即「純潔」為賣點。雖然身材依然有睇頭，但對於睇慣好嘢嘅老司機黎講，難免覺得佢有啲太過清淡。

不過自從今年2月佢因為身體不適而暫停偶像活動、5月復出之後，佢就明顯更加有肉。據佢後來接受訪問時提到，佢係知道有好多人鍾意睇佢嘅寫真作品，又覺得拍得寫真要有啲肉先好睇，所以就刻意增磅。而且佢唔係食肥自己咁簡單呀，而係有做重訓練出肌肉線條。人哋咁有誠意，大家起碼都要望多兩眼以示尊重啦下嘛？

X：danthemakira