所謂唔怕生壞名、至怕改壞名，對一個藝人黎講，有個響亮易記嘅名好可能係成功走紅嘅基礎。不過今日要介紹呢位日本寫真女星就可謂反其道而行，事關4月佢出道時係連名都無，真真正正嘅「無名」。直到近來佢先搵到個「義父」幫佢改咗「美風そら」呢個名。亦因為呢一番操作，令佢人氣火速上升。

現年22歲嘅「美風そら」出生於日本埼玉縣，最早於今年4月於《週刊Young Magazine》寫真出道，但當時雜誌上面寫嘅名係「謎之女X」。事關佢經理人公司同《週刊Young Magazine》搞咗個特別企劃，就係先出寫真，然後招募Fans為佢改名。假若名字提案被選取，該名Fans仲會獲得「義父」頭銜，可謂綽頭十足。由於佢本身嘅外貌身材均屬上乘之選，加上呢個頗為出色嘅宣傳策略，瞬間就令佢成為寫真界熱話人物。

結果佢於今年9月宣佈改名為「美風そら」。上月初更於YouTube發佈影片，紀錄自己與提案呢個名嘅「義父」見面過程，甚至連親生媽媽都有登場，都算係誠意十足——不過唔知嗰位「義父」其實係咪想做「鬼父」呢？

IG：piyopiyo12222