我成日都話日本各大雜誌辦嘅寫真女星選美比賽，係唔少新人進人寫真界嘅重要踏腳石，而且唔少人後來仲成為一代巨星。而由《週刊少年Magazine》舉行嘅「Miss Magazine」，就可以話係當中最重要嘅一個比賽，而我今晚要介紹呢位「江下晏梨」，就係新鮮出爐嘅季軍人選，換言之大家未來可能會經常見到佢啦！

現年19歲嘅「江下晏梨」係一名幾乎零藝能經驗嘅新人。據佢於參賽時訪問提到，佢係因為憧憬同一間經理人公司嘅前輩、曾於2023年同一個比賽中獲得「Young Magazine賞」（即係亞軍）嘅「松田実桜」先至參賽，最後於萬軍之中殺獲得第三名已經算係好好嘅成績。佢話未來希望能夠成為演員，仲希望可以拍多啲又可愛又帥氣嘅寫真畀大家睇。

雖然三圍睇落就唔算特別有睇頭，而且「江下晏梨」個樣又真係充滿可愛妹妹感，可能會令大家以為佢「無咩好睇」。但其實佢可愛臉蛋之下，有住一副165cm嘅8頭身Body，而且一對股下80寸嘅美腿亦非常吸睛。或者再過幾年當佢累積多啲成熟味道之後，又會別有一番風情啦！

IG：anri_eshita_