可能有唔少人覺得女星年紀越大、叫座力就會越黎越低。不過今晚要介紹呢位「須田 亜香里」就算得上係一個最佳反例：7年前27歲嘅佢推出首本實體寫真集銷量不滯，被日本媒體稱為「爆死」；7年後34歲嘅佢克服陰影再出寫真集，結果賣到要加碼重印。都算得上係吐氣揚眉啦！

現年34歲嘅「須田亜香里」，早於2009年就已經以SKE48第三期生嘅身份出道。後來其隊內人氣節節上升，更曾於2016年連續三年於AKB48總選中登上「神七」位置；又因佢於握手會中與Fans們嘅機智互動而被稱為「握手會女王」，被成員大讚「握過一次手就會喜歡上她」。「須田亜香里」於團體一直活動咗13件2，直到2022年11月1日出道紀念日先正式退團。目前以電台、綜藝活動為主，亦有參與電影演出。

既然做緊偶像時咁紅，「須田亜香里」當然亦有試過出寫真集。佢曾於2018年人氣最高時推出首本實體寫真集《可愛くなる方法》，當時更躊躇滿志印咗五萬本，但結果寫真集推出首週僅賣出一萬本，更被日媒評為「爆死」。到今年2月時，佢事隔7年再次推出新寫真集《pluie》，結果今次一雪前恥，唔單止好快賣哂，更於4月宣佈加印第二版。

IG：akarisuda