{ SKIP }
文:MenClub 魏文青  
POSTED ON 14 Sep 2015
如果你有幸讀到上大學,但又好「不幸」咁入咗科工嘅任何一科,咁你喺接住落黎嘅幾年應該會有種「呢個世界其實係冇任何雌性動物」嘅錯覺。你需知道「科工有女」本身就已經係新聞,仲未計啲所謂女同學除咗性別嗰欄係寫「F」,其他嘢同個男人基本上係冇分別,就算你話我知佢係企喺到屙尿我都唔會有一絲懷疑!但呢幾日大陸就出咗個「科工靚女」,人家仲係「iOS開發工程師」添!


呢位名為「吳柯遙Karry」嘅微博用家黎自上海,根據佢嘅個人介紹,佢畢業於上海應用科技學院,目前於「淘寶」做緊iOS開發工程師,但同時又係「美女經理人」古傳帥旗下「天仙館」模特兒之一。簡單啲黎講就即係少林出身嘅師姑,仲要係美貌師姑!唔單止係美貌師姑,身材仲唔錯添!

根據佢自己喺微博所講,會成為一個程式員嘅原因好簡單,一來係因為佢自己嘅興趣所在,另一個原因就係可以著咩衫返工都得喎!



OKOK,如果可愛Type唔啱你口味,黎個有女人味啲嘅你又點睇?


呢個名為「張功(文青:表字"補過"?)」嘅又係一位大陸工程師,不過今次就係手機廠商「小米」嘅人。話說上年年尾,小米微博就上載咗一張創辦人「雷軍」企喺一名員工背後「指導」嘅照片。咁好明顯個「員工」就係呢位張功,而又更加明顯嘅就係即使雷軍著到利是封咁款,啲網民都係唔會見到佢--冇計啦,人家張功真係有氣質嘛!


不過,作為IT人嘅你唔好太過開心,即刻諗住北上發展。因為文青有內部消息,以上呢兩個都只係特例,實際上嘅生態環境,其實係上原亞衣隻AVOP參賽作品咁款,所以你上到去都只會係側邊一個汁男優黎咋!所以要冷靜!睇MenClub算啦!乖啦!

吳柯遙 on 微博

張功 on 微博


喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025