永遠懷念希志愛野

文：MenClub 魏文青　　
POSTED ON 19 Dec 2015

今日係12月19日，一個注定要用黑色筆寫下嘅日子－－唔係《唐山大地震》，而係希志愛野嘅引退作《ありがどう希志あいの引退SP》正式發售日，換言之，由今日起，我就要向呢位曾經同我渡過八年美好青春、唯一一個我每片都收齊嘅AV女優講再見，而且今次，「說了再見才發現再也見不著」。

希志係於今年年中的「DMMアダルトアワード(Ault Award)」上宣佈會於2015年年尾引退。當晚凌晨再於自己嘅Blog中透露咗自己嘅想法(中譯可以參考台灣Jscoccer大的譯本)。簡單啲黎講就係喺上年(2014年)嘅時候，希志就已經有諗過要引退，一方面係因為有其他嘢想做，另一方亦同心情有關，於是經過仔細考慮之後，決定於頒發台上提前宣佈引退。而且一退就係AV、演藝雙重引退。換言之同「實質AV引退」嘅蒼井空老師、而及近日正式宣佈引退(轉職為藝能人)嘅Rio唔同，希志，大概唔會再出現於大家眼前。

2007年3月首次於日本少年雜誌《YOUNG GANGAN》中以寫真女星身份出道，之後同親妹妹「紗希芹香」等組成偶像組合「Half Moon」，同年12月於《Flash》發表全裸照，2008年正式加成為JHV集團旗下片商「MAX-A」嘅專屬女優AV出道，推出《現役アイドルユニットメンバー希志あいのデビュー(現役Idol Unit Member 希志愛野Debut)》。
當時嘅希志，係咁嘅樣嘅。而事隔8年之後，佢嘅引退作《ありがどう希志あいの引退SP》中，希志係咁樣嘅。
睇到呢兩張相，你就知我點解咁多年都咁鍾意希志－－佢根本就冇變過！係，佢的而且確係好瘦，曾經有一段時期瘦到就咁企喺到都會見到兩邊肋骨，就算依家肥返啲，佢都係身冇四兩肉，我甚至認真懷疑我個胸都過佢嗰個。但作為寫真偶像出身，咁多年佢個樣都係Keep得咁清純可人，而且隨住年資漸長，佢嘅演技亦越黎越成熟，戲路亦越黎越廣。由初出道時只能做學生、小妹妹，到近期可攻可守，可S可M，老師、上司、搜查官、兄嫁、空姐、圖書館理員通通都駕馭得黎。有陣時真係淨係睇劇情(非本番)情節都會令人由個心到暖出黎。再加上接住麻美由真成為《惠比壽麝香葡萄》第三任團長，可想而知佢已經係AV界的大姐級人馬之一。
文青個人推薦IPZ-433《独占！希志あいのヴァーチャルレイプ》希志飾演被狂粉禁固嘅偶像，慢慢由被逼轉為享受，到最後狂粉放走咗佢，佢仲依依不舍…睇到我差啲喊出黎。另一推薦係IPTD-935，原來已經係2012年嘅作品。希志飾演每一次高潮(定掂到啲精呢…？晚返去溫書先得)就會轉變人格嘅女主角，一時係怕醜「地味女」，一時係主攻「反叛女」，一套作品兩個享受。
平心而論，希志目前所屬嘅片商「Ideapocket」雖然美女雲集(Well，Rio同美雪ありす都屬於IP，不過都引退咗嚕)，但企劃方面一向都係不求有功，但求無過。所以希志就算再拍落去都唔會有咩大突破。加上目前AV界獎項都係被以量取勝嘅單體女優所壟斷(單體女優因為作品多，個人總銷量數字上會非常佔優)，就算希志連續兩年入圍「DMM Adult Award」嘅最佳女優賞，但最後都只係於今年持到個唔知有咩咁特別嘅特別賞，更唔好提佢之上仲有個無冕之王吉沢明步。呢個時候引退，某程度上都有於舞台上綻放最後火花(搶鏡)之意－－例如你依家會記得希志於「DMM Adult Award」宣佈引退，但你未必會知最佳女優賞其實係由「湊莉久」拎走一樣。

希志、Rio、上原亞衣、有村千佳，呢班陪我哋一同成長、一齊渡過落寞寂寞的千個夜晚嘅女優，終於都要離我哋而去。或者，咁都代表我哋係時候擺脫上Thisav、Download AVI嘅習慣，做一個成熟嘅男人－－係時候Upgrade去Blu-ray啦。