「被吸乳照」流出日本女偶像大方承認

文：MenClub 魏文青　　
POSTED ON 18 Feb 2016

當連劉德華都結咗婚，偶像會拍拖都唔係啲咩新奇事。不過日本嘅女偶像就依然被粉絲嘅「處女情意結」所限制，唔好講真係拍拖，就連傳緋聞都可能要出黎道歉，更加唔好講有「流出照」出現！但近期日本一個女子偶像成員嘅「被吸奶照」就流傳於網絡，該成員仲好大方咁認咗添！

日本組合「キチョハナカンシャ(Kichohanakansha)」係一個以「就業」為主題嘅偶像團體，設定上五位成員都有各自心儀嘅行業，然後一邊搵工，一邊進行偶像活動。而今次流出事件嘅主角就係希望加入網頁設計行業的「あみ(Ami)」。所謂流出照其實只有一張，但就係一名疑似係Ami前男友嘅男子瞓喺佢身上，吸住佢右邊胸，再由Ami自拍的大尺度照片。有關照片流出之後，Ami第一時間出面，為引起大眾不悅而道歉，但就表示唔會退團。經理人公司亦發表聲明，指呢張流出照只係成員們嘅私人生活，同團隊無關，所以唔會有所處分。

比起平時偶像傳緋聞左暪右暪，Ami大方承認嘅做法確實減少咗部份網友嘅不滿(雖然都仲有妹多人話佢敗壞風氣) ，有網民指「其實沒有必要道歉」、「相反，我想多謝你給我看了一個漂亮的胸部」。加上網友認為照片明顯係Ami於開始偶像活動之前拍落，簡單啲黎講就即係「Who fxxking cares?」。不過事發生之後，Ami都關閉咗自己嘅Twitter戶口暫避風頭。 19:36 更新，組合官網今日聲稱Ami已於昨日退團，並指是由Ami主動提出。不過有粉絲就認為Ami明明話過自己唔會退團，所以相信實情係被事務所辭退。
早前櫸坂46成員原田まゆ因為一張「被捏奶照」流出而被退團
來源：menscyzo.com