當台北市長柯文哲話要搞市立電競隊伍、香港班議員連直播打機都唔知係咩；當台灣總統蔡英文親自多謝同人畫家將佢同隻貓畫做漫畫人物，香港人就要扭盡六壬先暫時頂得住網絡23條，所以你會明點解有咁多人想移民台灣－－當然我相信有一半人(男嗰一半)嘅原因係想識返個靚台妹啦！淨係電玩美女都有咁多啦！

早前同大家介紹過嘅台灣「網絡溫度計(Dailyviews)」，早兩日佢又公佈咗2016年嘅十大電玩女神！

第10位：貝莉莓

近年人氣急升嘅Cosplayer，同時亦係Twitch實況主。雖然身高只有155cm，加上一個童顏樣，但身材就非常成熟！

第9位：芳小如

原名「古芳如」，乃係台印(尼)混血。平時工作以平面模特兒為主，早於五年前亦成為電腦展的票選第一美女。喺啱啱過去嘅台北電玩展中為SEGA擔任ShowGirl進入電玩界！

第8位：水桜羽杏

進入Cos圈已經第九年，資歷非常深嘅Cosplayer之一。曾經出版以《Love Live》為主題的寫真，目前為香港公司Madhead旗下。在日本及海外亦薄有名氣！

第7位：奶精-李玟儒

2014年時曾經拍過一個令人充滿遐想嘅急凍噴霧廣告，之後亦曾經上過《大學生了沒》、《國光幫幫忙》等台灣綜藝節目。雖然佢就話「奶精」呢個名係指佢嘅性格有如「純白的奶精及黑色的咖啡，既衝突又調和」。不過大家都應該會直接將呢個名同佢個D Cup上圍連起來啦。

第6位：李優

之前都介紹過嘅貓眼少女，於台北電玩展同為Madhead擔任Model，其他嘢例如戀情嗰啲就去返呢到睇啦！

第5位：森野葉子

於港台兩地《League of Legends(英雄聯盟)》圈中非常有知名度嘅Cosplayer。一來因為佢當初係Cosplay《LOL》中的角色起家，二來因為佢兩年前加入職業隊伍Hong Kong eSports (HKES)成為職業選手兼主播。

第4位：Mon夢

以非常華麗嘅服裝而聞名嘅Cosplayer，另一位於台北電玩展中為Madhead站台的模特兒。亦係咁多個上榜女仔中最難搵到「真樣」嘅…

第3位：Aries 艾瑞絲

如果要用十個字黎型容佢嘅賣點，就係「腿腿腿腿腿、腳腳腳腳腳」。比起之前咁多位都係以Cosplay為主，Aries嚴格上係一個電玩節目主持人(冇錯，台灣連電玩都有節目，香港有咩話？哦係《放學ICU》。

第2位：解婕翎

接近十年前因為一張自拍照而爆紅，被稱為虎牙妹、宅男女神，之後進入演藝圈，目前有出演短劇節目《瘋神無雙》、並於網絡電玩節目《電玩爆爆》及《現在宅知道》擔任主持

第1位：張景嵐

雖然作為「電玩女神」第一名，但其實張景嵐同「電玩」之間嘅距離，可以話係成個榜之中最遠嘅。2010年於諷刺節目「全民最大黨」中出道，2012年曾經擔任過《神魔Online》代言人，1月台北電玩展亦有擔任「夢三國」嘅嘉賓，但實際上與電玩界都仲有段距離－－不過，女神呢家嘢，夠靚夠性感就得架啦，電唔電玩算得啲咩呀！