做鬼也風流台灣殯儀美女五姊妹

文：MenClub 魏文青　　
POSTED ON 24 May 2016

大吉利是講句，唔知大家有冇諗過如果自己有日百年歸老，個告別儀式會點搞呢？我就好細個就已經定咗以下呢個Rundown－－首先搵幾個識唱歌嘅朋友唱返幾首《喜氣洋洋》、《最後派對》、《那邊見》DJ電音Remix版；再由當事人讀出我寫比佢哋，有關對佢哋有咩不滿嘅信；最後再黎返個守夜邊爐麻雀同樂會，抽水就當係帛金啦！不過最重要嘅係我希望成個儀式都係由靚女搞嘅！講真前面嗰啲都唔難搞，最難反而係靚女嗰Part。始終香港地冇咩靚女會做殯儀相關行業。不過喺台灣就有一家五姊妹都係做呢行，而且都係靚嘅！
圖片：賈小涵 on facebook
話說早排有台灣網友喺Ptt上面要求其他網友幫佢搵一個靚女「禮儀師」，網友不單止搵出佢就係上面呢位「賈小涵」，仲搵到佢有其他四個姊妹通通都係做緊殯儀相關嘅行業！
圖片：賈孟萱 on facebook 圖片：賈孟筑 on facebook 圖片：賈曉妍 on facebook 圖片：賈曉婕 on facebook
平心而論，佢哋啲相又真係美肌得有啲過份，而且大眼仔都戴得幾明顯。但雖然佢哋未到天姿國色，去到法官大人面前我都係會毫不猶豫地「I do, I do them all」嘅！而且你唔好話我唱衰香港，就咁睇去台灣死都好死得開心啲……
另外仲要特別讚揚勞苦功高嘅賈世伯圖片：賈曉妍 on facebook
賈小涵、賈孟萱、賈孟筑、賈曉妍、賈曉婕