日本奧運睇呢啲「奧運女神」長澤茉里奈

文：MenClub 魏文青　　
POSTED ON 12 Aug 2016

今屆奧運都可以話係歷年黎大家投入度最低嘅奧運會，一來直播時間多數喺深夜，平日根本睇唔到；加上當你一打開個電視睇視嘅係「荷蘭叻」，又的確係幾令人卻步。反觀日本嗰邊嘅奧運氣氛就好似唔錯，除咗打開電視會見到福山雅治等明星，近排好紅嘅「合法巨乳蘿莉」長澤茉里奈拍咗輯「奧運女神」相添呀！

話說日本《B.L.T》雜誌嘅九月號就出咗個關於奧運嘅專題，其中一Part就搵黎茉里奈妹妹分別著上競賽泳衣同藝術體操服，拍咗一連三集嘅寫真。雖然就唔算好性感，但見到茉里奈妹妹個可愛樣，真係一唔小心就扯起咗啦…兩個咀角！

唔好睇茉里奈妹妹個樣成個細路女咁，其實佢今年已經20歲。本身係偶像團體成員嘅佢由上年開始轉型為寫真偶像。因為個樣太童顏，但同時個身材又過份地好，名副其實係「童顏巨乳」，所以人氣就火速上升，更加有「合法巨乳蘿莉」之稱，真係滿足哂我哋呢啲麻甩佬嘅幼想…呀，係幻想空間之真。

重點係，20歲其實都仲係好年輕，茉里奈BB其實好有長大嘅空間，究竟過多兩年佢會發展到咩地步？真係好令人期待呀！