三上接班人星二代坂口杏里Muteki出道

文：MenClub 魏文青　　
POSTED ON 06 Sep 2016

大家睇咗AVOPEN嘅作品未呢？高橋しょう子嘅AV出道作又睇咗未呢？而隨住高橋しょう子同三上悠亞分別加盟傳統AV片商，專門經營有藝能人背景嘅AV女優，但又唔認自己係AV廠商嘅Muteki又有咩新搞作呢？早一陣子一直有傳又會有一位AKB48系列嘅成員下馬，日本更加有報導指係2010年自AKB卒業、有F Cup上圍嘅小野恵令奈！

冷靜啲，著返條褲先！因為跟據AV達人「一劍浣春秋」嘅報導，Muteki新捕獲嘅唔係小野恵令奈，而係星二代坂口杏里，據說會以「ANRI」之名出道。坂口杏里係邊個你未必知，但佢阿媽坂口良子你就應該略有所聞，因為佢係1973年大熱排球日劇《新青春火花》嘅主角，之後四十幾年縱橫日本演藝界，於2013年因為結腸癌離世。
坂口杏里媽媽坂口良子年輕時影落嘅水著寫真
而坂口杏里好細個就跟住媽媽上電視，亦有志做個明星，可惜係星路發展不平，就算08年推出水著DVD都冇咩幫助。《週刊女性》指坂口杏里於母親過身後沉迷牛郎店，結果將媽媽留落黎嘅幾千萬日圓遺產花光，仲有500萬日圓債務，結果就要下海還債。

不過，如果你睇咗上面張寫真封面，覺得佢都幾靚女，咁你就要小心啦！因為過去咁多年，坂口杏里最出名嘅就係「整容」同「暴瘦」。所以佢依家，應該係咁樣樣嘅。

雖然話「藝能人」嘅身份冇花冇假，而且有媽媽光環嘅坂口杏里下海，話題性亦十足，但佢呢個外表，又好似真係唔多可口。所以我就唔認為佢會長期於AV界發展。有報導指佢拍一套AV嘅價碼係2000萬Yen(約150萬HKD)，希望佢還完錢就好好做人啦。