{ SKIP }
文:MenClub 魏文青  
POSTED ON 19 Nov 2016
早幾日我哋同事呀Kay就放咗一條韓國「長板女神」高孝周嘅片上Facebook,睇個反應,相信大家都對呢位女仔——或者準確啲講,條片入面對腳嘅主人——好有興趣。既然係咁,咁今日就同大家介紹下佢啦!


高孝周原本係通訊軟體Line嘅工程師,曾經設計出Line旗下嘅一個影相APP——所以邊個話IT界冇靚女?係香港冇啫!不過佢個人就唔想被困於朝九晚五的刻板生活,於是就決定搵啲嘢玩當興趣。因緣際會喺網上發現咗「長板」呢項運動,二話不說就去買咗塊開始玩。佢自己就話一企上去就知道自己嘅決定冇錯,純粹為咗興趣都會繼續玩落去。就係咁樣,佢就踏上咗成為「長板女神」嘅第一步。


高孝周有搵人拍低自己踩板片段嘅習慣,等自己事後可以睇返修正動作。點知呢啲片放咗上網之後,佢纖瘦嘅背影、可愛嘅打扮、又白又滑又長嘅美腿、以及嗰啲我哋喺平地都做唔出黎嘅花巧步法,瞬間就喺一直以男性主導嘅長板世界激起千重浪!連韓裔美國Rapper Kero One都有分享佢嘅踩板片,從此進入國際目光。


事到如今,高孝周已經成為擁有35萬IG Followers、55萬微博粉絲嘅紅人,而就憑連Gucci都搵佢合作,你都知佢唔係踩下板咁簡單。所以話呢,要紅唔一定靠樣嘅,靠對腳都得架!

Hyo_joo on instagram

高孝周_Hyojoo on weibo


今年一月,日本著名拳擊手「井上尚弥」對上韓國選手「金藝俊」,並成功擊敗對手守住四條金腰帶。但當日台上除咗「井上尚弥」之外,其實仲有一個日本一樣廣受關注,而佢就係當日擔任舉牌女郎、我今晚要為大家介紹嘅「 ...
girls
【深夜】真.戰鬥力驚人 運動世家出身「森脇梨々夏」
06 Jun 2025
科技為人類改善生活之餘,通常都會帶來一啲需要時間適應嘅新麻煩。例如AI圖像生成咁,唔少人拎黎整J圖、甚至偷拍圖後,有人認為咁算係一個較為無害嘅渲洩手法,至少唔會真係女仔因而受害;但如果你對「係咪真人」有 ...
girls
【深夜】AI定係真人? 日本IG謎之美少女「ゆあ」
04 Jun 2025