{ SKIP }
文:MenClub William
POSTED ON 13 Sep 2018

遇上老友聚舊的日子,涉及一大班的聚會,搵地方可算是搞手們最頭痛一環,尤其是中環一帶,唔揀人多嘅酒吧,唔揀嘈雜嘅餐廳,私隱度高嘅會所式餐廳會唔會係你另一選擇?

這間選址鏞記大廈,佔地兩層共八千呎嘅The Town,集合了酒舖、酒吧及餐廳於一身,早排世盃時已趕及試業。既然是會所式餐廳,裝修格局的風格,自不然同中環各大酒吧稍有不同,更具尊貴之感。會所設計非常有特色,融合了二十年代Art Deco風格及Contemporary Classic 歐式古典元素。

六樓英式酒吧採用了大量豐富色彩、幾何形狀和黃銅元素,從Chesterfield長椅、Deco海報、法國青銅吊燈到Deco Murano玻璃吊燈,皮革座椅雅緻,環境極具格調,最啱放工嚟飲一杯,相當有趣嘅係午市設有中西韓東南亞多國菜式,如海南雞飯、龍蝦喇沙、馬來西亞肉骨茶等,以商業午餐的價錢來講,質素不俗。最重點是,酒吧備有100吋高清投射大屏幕等直播所有特別體育賽事,一大班人睇波,啱晒。

走上一層,就係會所餐廳,每位客人口味制定菜單 (bespoke menu) ,不限菜式類別,不論是傳統法式、海鮮、創新菜,甚至或餐桌旁席前烹製料理都可以(視乎你budget啦),招牌菜式如紅燒BB乳鴿、北海道鮮帶子、美國特級肉眼扒、法國野生鹿肉和鵪鶉等,甜品有傳統堂弄法式火焰橙酒班戟等。

最初咪講過,Town其實仲有間酒鋪,超過20年歷史的紅酒商Wine Buff,想飲咩配咩餐都有得揀,最緊要係,唔使開瓶費!

The Town
地址:中環威靈頓街32-40號鏞記大廈6及7樓
電話:2157 9999
營業時間:
餐廳── 午餐12nn-3pm、晚餐6pm-2am、周六日早午餐12nn-3pm
酒吧──星期日至四 11:30am-12mn、星期五、六及假期前夕11:30am-2am 、Happy Hour每日5pm-8pm
酒悅Wine Buff ── 星期一至六11am-9pm星期日及公眾假期1pm-9pm
將調酒融入小籠包,真係痴線嫁....
gourmet
台南「最佳酒吧」TCRC 調酒大賽得奬作品用「小籠包」做調酒? ... ...
14 Nov 2018
今年剛出爐的紐約米芝蓮美食指南,出現了一間一星韓式拉麵店JeJu Noodle Bar。
gourmet
紐約米芝蓮出爐一星拉麵店 令人意外是韓式拉麵!?
13 Nov 2018