{ SKIP }
文:MenClub 波特先生  圖:互聯網
POSTED ON 04 Dec 2017

阿仙奴岩岩喺同曼聯嘅大戰中以1:3落敗,目前暫以15戰9勝1和5負排名聯賽第5位,與榜首嘅曼城相差15分之多,要想喺今季奪冠基本上唔會有呢個可能。上一次阿仙奴能夠奪得聯賽冠軍,講緊嘅已經係2003-04嘅不敗球季,之後佢地兩次奪得聯賽亞軍,當中包括2015-16球季,但係與奪冠嘅李斯特城相比都相差足足10分。對於阿仙奴多年無冠,唔少人都將責任歸咎喺領隊雲加身上。

如果要數最唔相信阿仙奴領隊雲加嘅人,首選應該係曾經同佢合作過嘅球隊名宿現年51歲嘅阿當斯。阿當斯職業生涯只曾效力阿仙奴一支球隊(1983-2002年),而雲加則喺1996年入主阿仙奴至今,因此二人曾合作過6年時間,期間阿當斯喺雲加手下被委任為球隊隊長,並且協助球隊拎過兩次聯賽冠軍。
雖然阿當斯同雲加合作期間都叫成功,但呢位球隊傳奇對於已經執教球隊21年嘅領隊卻不敢恭維,並直言如果阿仙奴繼續由雲加執教,球隊將絕對唔會拎到聯賽冠軍,而阿仙奴已經13年無奪冠,阿當斯嘅說法真係唔係無可能。
阿當斯認為雲加宜家先67歲,加上雲加曾表示退役對於佢黎講等於死亡,所以相信佢離退休仲有一段長時間,要見到佢退休似乎無咩可能,即使未來再見到佢同球隊簽兩年約亦都唔會令人覺得驚奇。
作為球隊傳奇,阿當斯並無重返球隊工作,其中一個原因佢認為係雲加唔想佢回歸,佢擔心佢嘅主帥位置會被擔走。不過阿當斯知道,雲加係阿仙奴隊史以黎最好嘅教練,所以佢亦無可能抱怨啲咩。
不過其實對於唔少阿仙奴球迷黎講,雲加已經令佢地失去所有信心,佢地只係期望可以見到雲加有退休嘅一日,咁樣阿仙奴先會有希望。
【劇宅推薦】《陰宅異事》超恐怖的鬼屋故事 老老實實,呢套野聽返大家講好恐怖,如果像小編好驚鬼的自己睇路。如果好鐘意睇恐怖片的,呢套十級推薦唔好錯過啦!!講緊的是Netflix影集《陰宅異事》The Haunting ...
hobby
【劇宅推薦】《陰宅異事》超恐怖的鬼屋故事
16 Oct 2018
時隔半年多啲,香港樂迷再有機會喺同一場地聽到佢哋嘅演出。
hobby
【頹廢音樂】台灣獨立樂隊 Deca Joins 將在12月重臨香港 TTN 演出 ...
16 Oct 2018